Flying Tsinelas

Sa unang linggo ko sa dorm nasaksihan ko ang isang flying tsinelas. I wonder nasaan kaya ang kapartner ng tsinelas na lumilipad? Siguro natrapik along the way sa EDSA. O di kaya me kinasama munang ibang tsinelas (uuuy issue!).

Pero san ba galing si flying tsinelas? Ano bang storyang nababalot kay flying tsinelas?

Ayun sa kuro-kuro at sabi-sabi ng mga makakating labi, eto ay galing kay Kawawang Intern. Oo Ate Charo kawawa po sya. Kawawa sa pang-aasar at sa mga kalokohang pinaggagawa ng mga bud brothers nya.

Isang gabi suot-suot ni Kawawang Intern ang isang simple at maluma luma ng tsinelas (na naging tanyag at nakilala bilang si flying tsinelas) habang naglalakad along the corridor ng dorm. Bumaba sya at nakita nya ang mga bud brothers nya. Nagkayayaan kumain at diretso sila sa Mess Hall para kumain ng dinner. Me kwentuhan, tawanan at asaran. Dahil alam mong friendster nila isa’t-isa parang me liberty na asarin nila ang isa’t-isa habang ineenjoy ang chiken joy nila with unlimited rice.

Common na ang asaran sa isang circle of friends dulot na rin siguro ng pagiging familiar natin sa ugali, baho at kiliti ng bawat isa. Nagkakaroon kasi ng lisensya kung saan pwede nating asarin, biruin ang mga kaibigan natin sa harap ng iba nating kaibigan.

Sa pagpapatuloy ng kwento, si Kawawang  Intern na me suot na tsinelas ay kumbaga na hot seat sa gabing iyun. Napadpad sya sa isang arena kung saan inambush sya ng pambabara at samu’t saring pangaasar. Nakadekawtro pa syang kumakain suot pa rin ang kanyang tsinelas. Walang pake, whatever his friends say. Siguro ayaw lang nya patulan ang mga pinagsasabi ng mga kasama nya. Natapos kumain, nagyosi pa silang magbabarkada sa labas ng dorm. Suot suot pa rin nya ang tsinelas nya. Ayon sa report, habang nagyoyosi inaasar pa rin si Kawawang Intern. Sa lahat ng pang-aasar me isa laging nangunguna. Eto ay kumbaga si Mastermind, ang pasimuno ng mga kalokohan.

Umaakyat sa 2nd floor ng dorm ang mga magbabarkada at tumambay muna sa room ni Kawawang Intern na me suot na tsinelas kasama syempre si Mastermind. Kabuntot pa rin nila ang bud brothers nilang nanggagatong pa sa pang-aasar kay Kawawang Intern. Unti unting nagkakaroon na ng friction ang grupo. To the highest level na ang inis ni Kawawang Intern ke Mastermind.

Hanggang sa dumating na ang hindi inaasahan, napuno na ang salop( hanep title ng movie eto!). Bigla na lang ngsupersian (Son gouko flaming!) si Kawawang Intern. Naglaunch sya ng kamao ni Pacman sa mukha ng nang-aasar na si Mastermind.

Dun na nagsimula ang UFC the dorm style. Fighting on the red corner introducing Kawawang Intern from 2nd Floor with zero win and 25 loss and introducing in the blue corner, Mastermind from the 3rd Floor with 1 win 1 loss and 1 draw. Let’s get in on! Teng teng!

Ang lahat ng sumunod na pangyayari ay sobrang bilis. To the point na marami ng ibang interns kabilang na ang mga bud brothers nila na nakisawsaw este pumigil sa pag aaway ng dalawang nagbabanggaang gladiators ng dorm. Pati ang napadaang Dorm Master ng 2nd Floor ay gumitna at di kumampi. (Naks!) Pinigil ang away ng dalawa. Parang mga hawi boys at bouncers sa bar na pinaghalo all in one ang mga interns na napaggitnaan ng away.

 

Gusto pa sanang bumawi ni Kawawang Intern pero hawak-hawak sya ng mga ibang interns. Ang tanging makakaya lang niya ay itaas ng kunti ang kanyang paa sabay hila sa suot-suot na tsinelas. At walang kaamba ambang ibinato ang kanyang tsinelas sa direksyon papunta kay Mastermind. Parang isang rocket missile ang pinaulan ni Kawawang Intern gamit ang flying tsinelas.

Ang lahat ng interns na nasa 2nd Floor ay naging saksi sa paglipad ng isang simple at maluma luma ng tsinelas na di naglaon ay kinilalang si FLYING TSINELAS nang gabing yun!

Isa na ako dun! Eto ang unang away na nasaksihan ko sa dorm. Malalim ang dahilan, dahil lamang sa walang kakwenta kwentang asaran. Sa pagdaan ng mga araw, buwan at taon di ko na mabilang ang ilan pang mga away na nasaksihan ko sa Men’s Dorm.

 

 At ang ending ng story… kinabukasan magkaibigan na ulit si Kawawang Intern at si Mastermind. Masaya ulit ang lahat sampu ng kanilang bud brothers.

 

 

 

 

 

Sa tingin nyo sa pagdaan pa ng mga araw nag-away pa kaya ulit si Kawawang Intern at si Mastermind? Me rematch pa kayang naganap?

 

Lesson of the story:

 ”Wag abusuhin ang pasensya ng kaibigan. Me limitasyon pa rin ang lahat, mapabiro man o asaran.”

About these ads